ուրբաթ օրերը հաճախ շատ թեթևա լինում գործը, երևի սկամերներն էլ են հանգիստ ուզում։ մի հազար տեղ գրել եմ, որ էդ մարդկանց ես մի տեսակ չեմ հասկանում, ընդհանրապես շատ բան էս վերջերս չեմ հասկանում։ կամ ուղղակի չեմ ուզում ընդունել իրականությունը։ մի քանի օր առաջ մի ստենդ-ափից կտոր էի նայում, ասումա 25-ից հետո տարիքը ամենադեպրեսիոն տարիքնա։ իսկ որնա պատճառը՝ սկսում ես իրականությունը տեսնել, որը էդքան էլ լավը չի, ու դե նորմալա դառնում դեպրեսված ու տխուր լինելը։ երևի 30-ոտ սկսում ես հաշտվել էդ իրականության հետ, ու էդ արդեն դեպրեսիա չի կոչվում, կոչվումա կյանք։
չեմ հասկանում ոնցա մարդը գողություն կամ չարություն անում, ոնցա դիմացինին անիմաստ տեղը վիրավորում։ երևի կան մարդիկ, որ դրանից լավ են զգում իրենց։ սկամերը, որ էդքան գիտելիք ունի նոր կայք սարքելու, ուրիշի հեռախոսահամարով զանգելու, կկարողանար հաստատ մի նորմալ աշխատանք գտնել ու չվնասել սրան-նրան։
նա, որ ամեն պատճառ մանա գալիս, որ վիրավորի դիմացինին, ցածրացնի, ասի, որ սխալա անում, նա միգուցե դրանից էլ ավելի լավ զգաց, միգուցե ինքն իր մեջ ասաց՝ ճիշտ արեցի, որ ասացի, թող իմանա, որ էդքան էլ լավ մարդ չի, ինչքան ինքնա մտածում, հիմա հոգիս խաղաղ կքնեմ։
ու չեն մտածում, չեն էլ ուզում պատկերացնել՝ քանի հոգի խաբվեց իրենց ստեղծած թակարդներից ու ինչքան գումարներ կորցրեց, դիմացինը էդ վատ խոսքը լսեց ու մոռացավ, թե վիրավորվեց շատ ծանր ու չկարողացավ քնել, ինչ-որ տրավմաներ արթնացան թե չէ։
ես սկամերների դեմ մի կերպ էլի պայքարում եմ, բայց էդ վատը ասողներին դեռ չեմ կարողանում պատասխանել, ինձ դաստիարակել են համեստ ու խոնարհ լինել, ես չեմ կարողանում նրանց ասել, որ միգուցե քո կարծիքով շատ թեթև բան ասեցիր, բայց դա ինձ նեղացրեց, ես քեզ քո թերությունները չեմ ասում, մենք էդ հարաբերությունների մեջ չենք ու չենք էլ կարող լինել, քանզի տարբեր ենք շատ։
մնումա գրելը, որ էդ նեղվածությունը շարում եմ էկրանին, միքիչ ավելի թեթև եմ զգում ինձ։ ահա, հիմա հասկացա նրանց, նրանց համար էլ ես եմ էդ էկրանը։ մի տարբերությամբ՝ էկրանը էդքան էլ չի զգում, նեղվում, ոնց ես։ նա նույնիսկ չգիտի՝ ինչ եմ իրեն ասում, նրա համար սրանք պարզապես զրոներ ու մեկեր են։
էլի շատ բաներ չեմ հասկանում, կպատմեմ։ միգուցե պատասխաններ ունես։
հոգ տար քո մասին